Сурункали Юрак Етишмовчилигида Буйраклар Дисфункциясининг Ревматик Этиологияда Ўрни Ва Даволаш Имкониятлари

Abstract

Сурункали юрак етишмовчилиги (СЮЕ) жахонда аҳоли орасида тарқалган клиник синдромлардан бири бўлиб, юрак-қон томир касалликларининг оғир асорати сифатида ўлим ва ногиронликнинг асосий сабабларидан ҳисобланади [23]. Европа аҳолисининг 1,0-2,6%, АҚШда 2,2% ва Россия Федерациясида 7% аҳолида СЮЕ аниқланган, бу кўрсаткич ёш ўлғайган сайин ошиб бориши мумкин [12, 15]. Ревматик юрак нуқсонлари СЮЕ этиологиясида муҳим ўрин тутади, бу эса Ўзбекистонда ҳам кенг тарқалганлиги билан алоқадор [13, 25]. СЮЕ да буйраклар дисфункцияси кардиоренал синдром сифатида ривожланади, бу эса юрак ва буйрак орасидаги ўзаро боғлиқликни кучайтиради [25]. Сўнгги йилларда глюкоза-натрий ко-транспортори 2 тип селектив ингибитори (SGLT2) гуруҳи дориси эмпаглифлозиннинг кардио ва нефропротектив таъсирига эътибор кучая бошлади [19]. Ўзбекистонда соғлиқни сақлаш сифатини ошириш ва юқумли бўлмаган касалликларни олдини олиш мақсадида қабул қилинган қарорлар ушбу тадқиқотнинг долзарблигини оширади [ПФ-60, 2022]. Ушбу мақолада ревматик юрак нуқсонлари негизида ривожланган СЮЕ да буйраклар дисфункцияси ва эмпаглифлозин таъсири ўрганилган.