Ayollar Jinoyatchiligi Tushunchasi

Abstract

“Jinoyatchi" degan nomni olish qanchalar og'ir va ayanchli ekanini to'la ifoda etish qiyin. Chunki bu so'zni eshitiboq, etimiz junjikadi. "Xudo saqlasin", deymiz. Agar ana shu nom hayotingizda aziz va muqaddas bo'lgan ayolga nisbatan aytilsa-chi? Ko'z o'ngimizda ona, singil, opa, suyukli yor bo'lib gavdalanadigan ayolni jinoyatchi sifatida panjara ortida tasavvur qila olamizmi?! Ammo afsus bilan qayd etish joizki, ayollarni e'zozlash va ulug'lash borasidagi bunday ezgu ishlarga qaramasdan, ayol degan muqaddas nomga dog' tushirib, turli illat-u jinoyatlar botqog'iga botayotganlar ham yo'q emas.