Iskandar Ko‘Kamaroni (Scutellaria Iscanderi L.) Dorivor O‘Simligining Sedativ Ta’sirini Klinik Laborator Tahlili

Abstract

Mazkur maqolada Iskandar ko‘kamaroni (Scutellaria iscanderi L.) dorivor o‘simligining sedativ ta’siri klinik-laborator sharoitda o‘rganildi. Tadqiqotning asosiy maqsadi o‘simlik xom ashyosidan olingan ekstraktlarning markaziy asab tizimiga ta’sirini baholash hamda ularning tinchlantiruvchi xususiyatlarini ilmiy asoslashdan iborat bo‘ldi. Tajribalar laboratoriya sharoitida biologik modellar yordamida olib borilib, o‘simlik ekstraktining psixomotor faollik, reflektor javoblar va vegetativ ko‘rsatkichlarga ta’siri kuzatildi. Klinik-laborator tahlillar davomida qon biokimyoviy ko‘rsatkichlari, stress gormonlari darajasi hamda umumiy fiziologik holat baholandi. Olingan natijalar Iskandar ko‘kamaroni ekstrakti sedativ ta’sirga ega ekanligini, asab tizimi faoliyatini me’yorlashtirishga yordam berishini ko‘rsatdi. Tadqiqot natijalari ushbu o‘simlikni tabiiy sedativ vosita sifatida farmakologik amaliyotga joriy etish istiqbollarini asoslaydi.