Torakal Jarrohlik O‘Tkazilgan Chaqaloqlarda Operatsiyadan Keyingi Davrda Multimodal Yondashuvning Samaradorligi
Abstract
Ushbu tadqiqot torakal jarrohlik o‘tkazilgan chaqaloqlarda operatsiyadan keyingi davrda multimodal yondashuvning klinik samaradorligini baholashga bag‘ishlangan. Tadqiqot jarayonida chaqaloqlarning operatsiyadan keyingi og‘riq sindromi, respirator holati, gemodinamik va metabolik barqarorligi, shuningdek reanimatsiya va statsionar davolanish davomiyligi tahlil qilindi. Asosiy guruhda farmakologik va nofarmakologik usullarni uyg‘unlashtirgan multimodal yondashuv qo‘llanildi, nazorat guruhida esa an’anaviy intensiv terapiya usullari amalga oshirildi. Olingan natijalar multimodal yondashuv qo‘llanilgan chaqaloqlarda og‘riq darajasi va respirator asoratlar sezilarli darajada kamayganini, sun’iy nafas oldirish hamda reanimatsiyada qolish muddatlari qisqarganini ko‘rsatdi. Tadqiqot natijalari multimodal yondashuv neonatal torakal jarrohlikdan keyingi davrda samarali va xavfsiz usul ekanligini tasdiqlaydi hamda uni klinik amaliyotga keng joriy etish zarurligini asoslaydi.