O‘Zbek Va Ingliz Flora Komponentli Idiomalarining Semantik Va Pragmatik Xususiyatlari

Abstract

Mazkur maqolada o‘zbek va ingliz tillaridagi flora, ya’ni o‘simliklar olamiga oid frazeologik birliklarning semantik va pragmatik xususiyatlari tahlil qilinadi. Frazeologizmlar tilning boy qatlamlaridan biri bo‘lib, ular xalqning milliy tafakkuri, madaniyati va dunyoqarashini o‘zida aks ettiradi. Ayniqsa, o‘simlik nomlari asosida shakllangan idiomalar inson hayoti, xarakteri va turli ijtimoiy holatlarni ifodalashda keng qo‘llanadi. Ushbu maqolada flora idiomalarining metaforik va ramziy ma’nolari, ularning nutq jarayonidagi qo‘llanish xususiyatlari hamda ingliz va o‘zbek tillaridagi o‘xshash va farqli jihatlar qiyosiy tahlil asosida yoritiladi.