NUTQIDA KAMCHILIGI BO‘LGAN BOLALARNING MULOQOT XUSUSIYATLARI

Abstract

Ushbu maqola nutqida kamchiligi bo‘lgan bolalarning muloqot xususiyatlarini
o‘rganishga qaratilgan. Nutq kamchiliklari bolaning o‘zini ifodalash, boshqalar bilan aloqalar
o‘rnatish va jamiyatga moslashishda qiyinchiliklarga olib kelishi mumkin. Muloqot — bu shaxsning
o‘z his-tuyg‘ularini, fikrlarini va ehtiyojlarini boshqalar bilan ifodalashning asosiy vositasidir. Nutq
kamchiligi bo‘lgan bolalarda muloqotda qiyinchiliklar yuzaga kelishi va bu holat, ularning ijtimoiy,
emotsional rivojlanishiga salbiy ta’sir ko‘rsatishi mumkin. Maqolada nutq kamchiligi bo‘lgan
bolalarning muloqotga bo‘lgan munosabati, muloqotdagi qiyinchiliklar, shuningdek, nutqni
rivojlantirishda qo‘llaniladigan pedagogik va psixologik yondashuvlar muhokama qilinadi.
Tadqiqotda muloqot jarayonini yaxshilashga qaratilgan metodlar va usullar hamda nutq
kamchiliklarini bartaraf etish uchun zarur bo‘lgan yordam ko‘rsatiladi. Ushbu maqola, bolalarning
muloqotdagi qiyinchiliklarini yengish uchun pedagogik va psixologik metodlarni amaliyotga joriy
etishda yordam beradi.