Istemolchi Huquqlarining Buzilishi Oqibatida Yetkazilgan Zararlar: Huquqiy Javobgarlik Va Kompensatsiya Mexanizmlari

Abstract

Mazkur maqolada O‘zbekiston Respublikasida fuqarolik huquqi doirasida iste’molchilarning huquqiy maqomi va ularga yetkazilgan zararlarni qoplash mexanizmlari yoritilgan. Unda iste’molchining asosiy huquqlari, zarar yetkazilgan taqdirda moddiy va ma’naviy zararning qoplanish tartibi, iste’molchi va ishlab chiqaruvchi, sotuvchi yoki ijrochi o‘rtasidagi huquqiy munosabatlar tahlil qilingan. Shuningdek, mavjud qonunchilik asoslari, amaliyotda uchraydigan muammolar va ularni hal qilish yo‘llari hamda ayrim xorijiy davlatlar tajribasiga asoslangan taqqosloviy-huquqiy tahlil o‘tkazilgan. Xususan, internet savdosi va elektron tijorat bilan bog‘liq huquqiy chigalliklar, mahsulot sifati, axborot yetishmovchiligi tufayli yuzaga keladigan salbiy holatlar va ularning huquqiy oqibatlari yoritilgan. Maqolada zararni qoplash mexanizmlari amaldagi Fuqarolik kodeksi va boshqa normativ-huquqiy hujjatlar asosida chuqur tahlil etilib, muammolarni bartaraf etish bo‘yicha ilmiy-amaliy takliflar ilgari surilgan.