Affektiv Respirator Paroksizm: Klinik Tahlil

Abstract

Affektiv respirator paroksizmlar, bolalik davrida keng tarqalgan va ko‘rinishidan jiddiy holatga o‘xshaydigan epileptik bo‘lmagan paroksizmal hodisalardan biri bo‘lib, nafas olishning to‘satdan to‘xtashi, teri rangi o‘zgarishi va, ba’zan, qisqa muddatli hushdan ketish bilan xarakterlanadi. Ushbu holat, asosan, emotsional stress, qo‘rquv yoki og‘riq tufayli yuzaga keladi va ota-onalarda jiddiy havotirga sabab bo‘ladi. Garchi bu paroksizmlar yaxshi sifatli, ya’ni bezarar hodisa sifatida qaralsa-da, bolaning salomatligiga va oilaviy hayotiga sezilarli darajada ta’sir ko‘rsatishi mumkin. Ushbu maqola affektiv respirator paroksizmlarning patofiziologiyasi, klinik ko‘rinishlari va zamonaviy davolash usullari bo‘yicha ilmiy tahlilni o‘z ichiga oladi.