Oliy Taʼlim Muassasalarida Ekologik Madaniyatni Shakllantirish Zarurati Va Dolzarbligi
Abstract
Mazkur maqola zamonaviy jamiyat rivojlanishida yuzaga kelayotgan global ekologik muammolar va ularning oliy taʼlim tizimiga taʼsiri masalasini oʻrganishga bagʼishlangan. Tabiiy resurslarning kamayishi, iqlim oʻzgarishi, biologik xilma-xillikning yoʻqolishi, havo, suv va tuproqning ifloslanishi kabi muammolar oliy taʼlim muassasalari oldiga ekologik ong, masʼuliyat va madaniyatni shakllantirish vazifasini qoʻymoqda. Maqolada talabalarda ekologik madaniyatni shakllantirishning ahamiyati, pedagogik asoslari va oliy taʼlimda bu jarayonni amalga oshirish uchun mavjud afzalliklar va imkoniyatlar ilmiy asosda tahlil qilingan. Shuningdek, global va milliy ekologik vaziyat, zamonaviy taʼlim texnologiyalari, xalqaro standartlar va Oʻzbekiston Respublikasidagi davlat siyosati orqali oliy taʼlimni ekologizatsiya qilish masalalari koʻrib chiqilgan.