RUBOBLAR OILASINIG PAYDO BOʻLISHI VA ULARNING MILLIY CHOLGʻU IJROCHILIGIDAGI OʻRNI
Abstract
Hozirgi kunning dolzarb muammolaridan biri milliy qadriyatlarimizning qayta tiklanishi bilan birga, musiqiy merosimizni ham oʻrganishni taqozo etadi. Zotan musiqiy merosimiz namunalarida ajdodlarimizning qalb qoʻrida saqlangan ezgu niyatlari, orzu-umidlari, nozik hissiy kechinmalari, umuman borliq haqidagi falsafiy mushohadalar oʻzining yorqin ifodasini topgandir. Binobarin, milliy kuy taronalarni cholgʻular vositasida tinglar ekanmiz, ularda tarannum etilgan “asrlar ovozi” dilrabo ohanglarda mujassam etilgan nozik va insoniy his-tuygʻular qalbimizni hayajonga soladi va ayni paytda, ota-bobolarimizning meros qilib qoldirgan an’analarini qadrlashga undaydi. Shundan kelib chiqib, bugungi kunda, qadimiy sozlarimizni an’anaviy tarzda chuqur oʻrganib, uni xalq orasida ommalashtirish muhim masalalardan biridir.